قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى  №362 

2015 جىلعى 26 قاراشا, استانا قالاسى مەملەكەتتىك مۋزەيلەردە قور-ساتىپ الۋ (قور-ىرىكتەۋ) كوميسسياسىن قۇرۋ قاعيدالارىن بەكiتۋ تۋرالى «مادەنيەت تۋرالى» 2006 جىلعى 15 جەلتوقسانداعى قازاقستان رەسپۋبليكاسى زاڭىنىڭ 7-بابى 35-2) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك مۋزەيلەردە قور-ساتىپ الۋ (قور-ىرىكتەۋ) كوميسسياسىن قۇرۋ قاعيدالارى بەكىتىلسىن. 2. قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن ون كۇن ىشىندە ەلتاڭبالى مورمەن كۋالاندىرىلعان قاعاز داناداعى كوشىرمەسىن قوسا بەرە وتىرىپ, ەلەكتروندىق تاسىعىشتا وسى بۇيرىقتىڭ كوشىرمەلەرىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جولداۋدى; 3) وسى بۇيرىق رەسمي جاريالانعاننان كەيىن ونى قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاسۋىن; 4) وسى تارماقتا كوزدەلگەن ءىس-شارالاردىڭ ورىندالۋى تۋرالى مالىمەتتەردى وسى ءىس-شارالار ورىندالعاننان كەيىن ون جۇمىس كۇنى ىشىندە قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى مادەنيەت جانە سپورت مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن. 4. وسى بۇيرىق رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.مۇحامەدي ۇلى قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 26 قاراشاداعى №362 بۇيرىعىمەن بەكىتىلگەن مەملەكەتتىك مۋزەيلەردە قور-ساتىپ الۋ (قور-ىرىكتەۋ) كوميسسياسىن قۇرۋ قاعيدالارى 1. جالپى ەرەجەلەر 1. مەملەكەتتىك مۋزەيلەردە قور-ساتىپ الۋ (قور-ىرىكتەۋ) كوميسسياسىن قۇرۋ قاعيدالارى (بۇدان ءارى – قاعيدالار) مەملەكەتتىك مۋزەيلەردە قور-ساتىپ الۋ (قور-ىرىكتەۋ) كوميسسياسىنىڭ (بۇدان ءارى – كوميسسيا) قۇرىلۋ ءتارتىبىن انىقتايدى. 2. كوميسسيا مۋزەي قورلارىن قالىپتاستىرۋ ءۇشىن مادەني قۇندىلىقتاردى ساتىپ الۋ جانە ىرىكتەۋ ماسەلەلەرىن قاراۋ ماقساتىندا قۇرىلادى. 3. كوميسسيا ءوز قىزمەتىن «مادەنيەت تۋرالى» 2006 جىلعى 15 جەلتوقسانداعى قازاقستان رەسپۋبليكاسى زاڭىنىڭ 7-بابى, 35-2) تارماقشاسىنا, سونداي-اق وسى قاعيدالارعا سايكەس جۇزەگە اسىرادى. 2. كوميسسيانىڭ قۇرىلۋ ءتارتىبى 4. كوميسسيا مەملەكەتتىك مۋزەي جانىنان مادەني قۇندىلىقتاردى ساتىپ الۋ جانە ىرىكتەۋ ماسەلەلەرىن قاراۋ كەزەڭىندە قۇرىلادى. كوميسسيانىڭ قۇرامى مەملەكەتتىك مۋزەي ديرەكتورىنىڭ بۇيرىعىمەن بەكىتىلەدى. 5. كوميسسيانىڭ قۇرامىنا توراعانى, مەملەكەتتىك مۋزەيلەردىڭ قۇرىلىمدىق بولىمشەلەرىنىڭ جەتەكشىلەرى مەن قىزمەتكەرلەرىن قوسا ەسەپتەگەندە بەستەن كەم ەمەس مۇشە كىرەدى. مادەني قۇندىلىقتاردى ساتىپ الۋ جانە ىرىكتەۋگە ارحەولوگيا, ەتنوگرافيا, نۋميزماتيكا, تاريح, ونەرتانۋ, رەستاۆراتسيا جانە تاعى باسقا سالالار بويىنشا ساراپتامالىق باعالاۋ قاجەت بولعان جاعدايدا كوميسسياعا قاتىسۋ ءۇشىن ءتيىستى ماماندار شاقىرتىلادى. 6. كوميسسيانىڭ توراعاسى مەملەكەتتىك مۋزەيدىڭ مۋزەي قۇندىلىقتارىن ەسەپكە الۋ جانە ساقتاۋ باعىتى بويىنشا جەتەكشىلىك ەتەتىن ديرەكتوردىڭ ورىنباسارى نەمەسە باس قور ساقتاۋشىسى بولىپ تابىلادى. 7. كوميسسيانىڭ حاتشىسى مۋزەي قۇندىلىقتارىن ەسەپكە الۋ جانە ساقتاۋ باعىتى بويىنشا قۇرىلىمدىق بولىمشەلەردىڭ ءبىرىنىڭ قىزمەتكەرى بولىپ تابىلادى. 8. كوميسسيانىڭ شەشىمى ۇسىنىس سيپاتىنداعى حاتتامامەن رەسىمدەلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12466 بولىپ ەنگىزىلدى.